كتير مننا بيشتري فاونديشن و يلاقي درجة الفاوندشن مش مناسبو سواء فاتحة او غامقه و ممكن تكون درجة مناسبة بس الأندرتون مش مناسب...

دلوقتي هقولكو علي حل خطير يا ريت تدعولي..

اولا عشان تغيري الأندرتون هتحتاجي ملون طعام ... ايون ملون طعام

بصي معايا علي الصورة دي هتلاقي مثلا لو انتي كنتي جايبه فاوندشن لونه بيجي علي بينك معاكي فهتلاقي قصاده لون اصفربس اشمعني اصفر  للأن معظم نساء الشرق اوسط او العرب بيبقي بشرتهم مايلة للاصفر؟؟ فا

...يبقي هتجيبي ملون كعام لونه لصفر و حطي نقطه صغيره قد النملة بظبط نصيحة بلاش تكتري قوي و اشتغلي نقطة نقطة لحد ما توصلي للنتيجة الي حباها

هتلاحظو ان القاونديشن مايل علي بينك بس شوفو الفرق لما نيجي نحط اللون الاصفر

شايفين الفرق؟؟

 لو مش حابين مبون الطعم ممكن تستخدمو قرات ملونه من MAKE UP FOREVER

 لو حابة تفتحي لون الفاونديشن او تغمقيه في قطرات متوفره من ذا بودي شوب باللون ابيض و بني عن نفسي بفضل الابيض عشان البني بيقلب الفاونديشن رمادي

 ممكن من غير اي تكلفة او عندك فاونديشن مش بتستعمليه عشان لونو مش مناسب ممكن تخلطيه مع فاونديشن فاتح او غامق علي حسب عايزة ايه :)